ധവള ഹിമാലയ പര്‍വതനിരയും നീലിമ തിങ്ങിടുമലയാഴികളും
അനുദിനമരികില്‍ കാവല്‍ നില്‍ക്കും ഭരതമല്ലോ നമ്മുടെ ദേശം
ഇവിടെ ജനിച്ചൊരു സംസ്കാരത്തിന്‍ കഥകളുറങ്ങും കാനനനിരകള്‍
ഇന്നുമുണര്ത്തുന്നു ശുഭവൈദിക മന്ത്രധ്വനികള്‍ ഉലകെങ്ങും
ഗംഗാ യമുനാ തീരതലങ്ങളില്‍ വിന്ധ്യ ശതപുര താഴ്വാരങ്ങളില്‍
ജീവിതസത്യം തേടിയലഞ്ഞൊരു താപസ ദര്‍ശനമെത്രയഗാധം!
ആര്‍ഷ ജ്ഞാനജ്വാലകളുയരും ആത്മീയതയുടെയീമണ്ണില്‍
സൃഷ്ടിസ്ഥിതിലയലീലകളാടി വിളങ്ങിടുന്നു ജഗദംബ.
(ധവള ഹിമാലയ)
No comments:
Post a Comment