ഇതാണിതാണി പാവന ഭാരത ....

ഇതാണിതാണീ പാവന ഭാരത 

ഭൂമാതാവിന്‍ ശ്രീകോവില്‍ 

ഇവിടെ നമിക്കാം ഇവിടെ ജപിക്കാം

ഇവിടെസ്സാധന  ചെയ്തീടാം (2) 

                                                      (ഇതാണിതാണീ പാവന .......)

വിഭാത വേളയില്‍ നമ്മെയുണര്ത്തും 

കിളികുലമിവിടെ പാടീടു൦

പ്രഭാതസന്ധ്യയില്‍ വിടരും സുരഭില-

സുമതതി നര്‍ത്തനമാടീടും  

സ്വതന്ത്രജീവിത വിജയരഹസ്യം

പകരും മരുതനിന്നിവിടെ 

പറന്നുവന്നീ  പരിസരമാകെ

പുതിയൊരു ചേതന ചേര്ത്തീടും     ( ഇവിടെ നമിക്കാം )

ഇവിടുന്നുയരും ശംഖധ്വനിയുടെ

മംഗളമാം തരകമന്ത്രം

അഗാധനിദ്രയില്‍ മുഴുകിയ ഹൈന്ദവ

കര്‍ണപുടങ്ങളിലെത്തീടും

അണിഅണിയായവരണയു൦ നിശ്ചയ-

മിവിടെ പ്രണമിച്ചീടാനായി

ഇവിടെ പ്രതിദിനമാരതി ചെയ്യാന്‍

പ്രതിജ്ഞ ചെയ്യുകയീനമ്മള്‍             ( ഇവിടെ നമിക്കാം )

വിഷാദമറ്റ കിരീടി ധനുസ്സിന്‍

ഞാണൊലി മുഴക്കിയന്നിവിടെ

പ്രബുദ്ധഭാവമുണര്‍ന്ന ഹനുമാന്‍

കുതിച്ചുയര്ന്നതുമന്നിവിടെ

പ്രതിജ്ഞ  ചെയ്തു ജയിക്കാന്‍ കരവാള്‍

വീരശിവാജി ധരിച്ചിവിടെ

വില്ലുകുലയ്ക്കും പാര്‍ത്ഥനു സാരഥി

യോഗേശ്വരനുണ്ടിന്നിവിടെ.             ( ഇവിടെ നമിക്കാം )

അരുണപ്രഭമാമുദയദിവാകര-
കിരണപതാക ഉയരുകയായ്

പുതിയയുഗത്തിന്‍ ദ്വിഗ്വിജയത്തിനു

മംഗളദീപ്തി കൊളുത്താനായ്‌

അഭിമാനത്തിന്‍ സ്വാതന്ത്ര്യത്തിന്‍

അജയ്യവീര്യമുണര്ത്താനായ്

ഉയര്‍ന്നുപൊങ്ങുകയാണിവിടിന്നും 

പാഞ്ചജന്യതരംഗങ്ങള്‍                           ( ഇവിടെ നമിക്കാം )

   http://www.geetganga.org/audio/download/161/artist+-+Track+10.mp3